A auga de “Termas de Cuntis” é unha auga mineromedicinal especial debido á súa privilexiada composición químico-física e biolóxica (sulfurada sódica e hipertermal e de mineralización débil). A súa aplicación está baseada na estimulación de todo o organismo mediante accións térmicas, mecánicas e químicas. Polo seu contido en sulfuros, sulfatos, sodio, anhídrido carbónico, sílice, flúor, calcio, magnesio e outros, é utilizada e recomendada no tratamento de diversas enfermidades como:
- Afeccións reumáticas: Reumatismos degenerativos (artrose), reumatismo inflamatorios (artrite reumatoide), reumatismos non articulares (ciáticas, neuralxias, dores musculares, etc.)
- Afeccións respiratorias: prevención de bronquite, catarros, refriados, sinusite, rinite, etc.
- Afeccións da pel: Psoríase, liquen plano, dermatite e outras.
- Alteracións do metabolismo: obesidade, sobrepeso.
- Rehabilitación: recuperación de estados postraumáticos, recuperación de lesións deportivas, etc.
- Alteracións psicolóxicas e do sistema nervioso: problemas de estrés emocional, insomnio, estados de esgotamento físico e intelectual.